Махтанабыт!

Ыам ыйын 14 чыыһылатыттан 2020с «Спасибо врачам» акция саҕаламмыта. Дьиэлэриттэн-уоттарыттан тэйэн, күнүстэри-түүннэри саҥа коронавируснай инфекциянан ыалдьыбыт ыарыһахтары эмтии сылдьар эмчиттэрбитигэр биирдиилээн дьоннор, общественнай тэрилтэлэр, Майа сэлиэнньэтин атыы-эргиэн тэрилтэлэрэ, түөлбэ уонна улуус олохтоохторо, тэрилтэлэр дьиэтээҕи минньигэс, тотоойу аһылык астаан уонна ас бородуукталарынан, туттар малларынан, харыстанар маска тигэн көмөлөһө сылдьаллар, эмчиттэрбитигэр күүс-көме, өйөбүл буолаллар. Ыарыһах уонна контактаах дьон ахсаана элбээн, онно үлэлиир эмчиттэрбит ахсааннара эмиэ элбии турар. Кинилэр икки сиринэн: физиотерапия отделениетын дьиэтигэр уонна Майатааҕы лицей интернатыгар хоно сылдьаллар. Кинилэргэ аһынан-үөлүнэн, истиҥ сыһыаннарынан, үтүө тылларынан көмелеспүт бары биир дойдулаахтарбытыгар Мэҥэ-Хаҥалас киин балыыһатын салалтатын, бары үлэһиттэрин ааттарыттан махталбытын тиэрдэбит. Сүрдээх элбэх киһи ис санаатыттан көмелөстө, ол курдук «Үһүс көлүөнэ оскуолатын» кыттыылаахтара- убаастыыр ытыктыыр аҕам саастаах дьоммут, Мэҥэ-Хаҥалас оройуонун, Табаҕа, Мэлдьэхси, Нуораҕана уонна Майа сэлиэнньэлэрин дьахталларын сэбиэттэрэ, Майа сэлиэнньэтин Лесной, Новострой, Исаев, Түмсүү, Лесопуун, Академик, Сыроватскай, Набережнай түөлбэлэрин олохтоохторо, эдэр ийэлэрин түмсүүтэ, "Кэрэли оҕону сайыннарар киин, "“Камила” маҕаһыын үлэһиттэрэ уонна да атын биирдиилээн үтүө санаалаах нэһилиэкпит олохтоохторо. Баҕарабыт биир дойдулаахтарбытыгар кытаанах доруобуйаны, таһаарыылаах үлэни,этэҥҥэ буолууну! Бары түмсэн, биир санаанан бу дьайы кыайыахпыт диэн эрэнэбит!